佘詩曼在《延禧攻略》演的嫻妃，奸到出汁，睇到大家牙癢癢，阿佘嘅演技真係到位；《延禧攻略》在內地已播完結局，阿佘嘅奸皇后被打入冷宮，許凱演的傅恒為咗幫瓔珞搵解藥解毒，最後死咗，網民話睇到呢幕咁悲淒，眼淚流不止。
阿佘憑《延禧攻略》在內地人氣飆升，早前跟台前大隊去到《快樂大本營》，一身嫻妃裝束嘅阿佘還現唱咗一首廣東歌《下一站天后》，很少開金口嘅阿佘原來，唱起歌來都好好聽㗎！
而飾演乾隆皇帝嘅聶遠，說到後宮咁多妃嬪，佢就覺得對戲起來最過癮嘅，一定揀嫻妃佘詩曼，「秦嵐（飾富察皇后）、譚卓（飾高貴妃）都是很有經驗的演員，但佘詩曼演過很多成功的宮廷劇，她對細微的掌控很有獨到之處，眼神、肢體都完全把角色心態、情緒呈現到位。這也是我想跟吳謹言說的，細微的控制、老到的經驗，佘詩曼做得特別好。」
影片來源：湖南衛視
影片來源：湖南衛視