《延禧攻略》一班國内演員，今日去完無綫錄中秋特備節目後，又要接受傳媒訪問，做完立即馬不停蹄去到馬鞍山商場出騷，「瓔珞」吳謹言、「傅恒」許凱同「爾晴」蘇青的威力果然勁，粉絲把整個商場迫爆，人羣站滿了地下至三樓！
來到香港，唔多唔少都要講吓廣東話，許凱就話：「中秋節快樂！我愛你哋！」台下就尖叫了！吳謹言講乜呢？許凱就同佢耳語現場教授，吳謹言就同大家講：「大家好，中秋節快樂，多謝你哋！」而蘇青除咗講「我愛你」外，仲即場唱咗《延禧攻略》片尾曲《相忘》！吳謹言同許凱亦合唱，仲同現場觀眾玩遊戲，吳謹言又餵粉絲食湯丸，好親民友善！
