商業電台為慶祝今年65周年，於8月5日推出，合共20集的台慶廣播劇《微涼之夏》，邀得影帝林家棟首度獻聲，夥拍林海峰（Jan）分別飾演主角「楊雲峯」及「宣子晴」，並由林家謙及呂爵安（Edan）聲演二人之少年版，演繹一段糾纏近60年的故事。
家棟首次參與長篇廣播劇，自言對他有特別意義，「因為年少嘅時候都係聽住電台節目成長，而今次故事嘅時間線很長，由70年代延伸至2024年，同香港人息息相關，而故事包含多種情感，有親情、愛情、不為人接受嘅師生戀、隱晦嘅男人友誼等，我一路睇劇本，一路湧現咗好多回憶。」家棟覺得廣播劇與演戲大不同，「喺咁細嘅錄音室裏面，要擴闊想像空間，幻想唔同嘅情景、對手嘅語氣、狀態同埋情緒，無道具協助之餘，又唔知後製音效點做，講真都幾有難度。」至於他與阿Jan在劇中的關係，他覺得兩人之間的對白有些曖昧，疑似無疾而終，「其實人生難免總有遺憾，我同阿Jan嘅感情，就代表着一份男人情誼嘅遺憾 。」
林海峰表示與家棟合作既興奮又失望，因為機會難逢，又大讚家棟對劇本及對白要求好高，會研究劇情讓角色更立體，失望是因為唔夠喉，與家棟的對手戲太少。
林家謙聲演Edan學弟，直言錄音時遇到好大挑戰：「今次做佢學弟，由細識到大，二人之間會有少少BL感覺。同埋我之前啲角色都好木獨，今次要有多少少起伏，反應又要誇張少少。有段劇情講我被人打要大嗌，我覺得好尷尬，跟住叫Edan打我幫我入戲，所以錄音過程就出現咗肢體碰撞。」
Edan透露小六時曾接觸廣播劇，代表學校參加校外比賽，更奪得「最佳男廣播員」，「不過大家都知道我咬字差，花姐要我事前逐句逐句錄俾佢聽，錄音嗰陣有好多專業人士在場，大家又點會放過我，出名鍾意執字嘅林家謙都忍唔住出聲。」
更多圖輯：
