連詩雅親自下廚為媽咪煮生日飯　首次三代同堂慶祝被孫女冧爆

Camila望住婆婆個樣實在太可愛。

連詩雅（Shiga）自7月誕下女兒陳星頤（Camila）後一直母兼父職，因為老公陳家樂在囡囡出世後，即趕回馬來西亞拍攝劇集，Shiga終於自拍大呻：「我開始真心感受到當媽媽後，嗰種一日廿四小時都唔夠用嘅感覺」。

當媽後的Shiga還要母兼父職。

Shiga除了忙湊女，也不忘做孝順女，昨日她為慶祝媽咪生日下廚煮美食，並在社交網放上片段，留言：「她第一次三代同堂過生日，今年真係冇乜時間準備啲乜嘢，簡單煮餐飯，祝我最愛嘅媽咪，生日快樂，長命百歲」！

Shiga親自下廚。

片段中Shiga展示為媽咪煮的一桌豐富美食，又送上大束花並唱生日歌，連媽媽扮到靚靚抱住外孫女，跟女兒一齊唱生日歌祝賀自己。最可愛是Camila乖乖望住外婆唱生日歌，婆孫三代大合照，Camila的笑容冧爆婆婆。

Shiga給媽媽慶生儀式感十足。