![馬國明覺得網購好方便](https://www.mpweekly.com/entertainment/wp-content/uploads/2024/07/whatsapp-image-2024-07-24-at-3.42.00-pm-20240724091455.jpeg)
馬國明覺得網購好方便
馬國明今日出席「香港好物節」活動,他大爆太太湯洛雯都鍾意網購,自己亦被對方影響,「我以前好少網購,都係俾佢影響到,但真係好方便,網上睇完再直接去買,慳好多時間,咁我又唔係富三代唔使做嘛,太太平時喜歡買衫比較多,都會幫我買,大家都知我對時裝,真係識條鐵咩!不過𠵱家都有同香港時裝設計師合作,佢哋俾衫我著出嚟,我又可以鳴謝對方,互相幫忙。」
![馬國明自言是個傳統男人,認為男人要負責家庭開支。](https://www.mpweekly.com/entertainment/wp-content/uploads/2024/07/whatsapp-image-2024-07-24-at-3.42.00-pm-11-20240724091451.jpeg)
馬國明自言是個傳統男人,認為男人要負責家庭開支。
他更大讚老婆湯洛雯賺錢有道,「佢近排可以在家拍社交媒體廣告,自己可以拍,剪片,落字幕,打燈都自己打埋,一手包辦,我真係好佩服佢,我都好想學,如果有社交媒體想搵我拍廣告都無問題,我哋可以自己搞掂晒,拍咩都可以,就嚟太太可以養埋我。(咁你有無俾家用?)梗係有,點可以唔俾,男人係一頭家嘅開支,我係好傳統嘅男人,唔慣食軟飯,佢成日都話我嘅錢係屋企嘅錢,佢嘅錢係佢嘅錢。」
更多現場圖輯: