羅天宇今日（3日）以活動大使身份出席「寵集西九印明月」記者會，他表示今個月17號及18號將會帶同愛犬出席西九龍活動，更會擺設雞蛋仔攤位，而出名喜歡小動物的天宇原來家中已寵物滿滿，「自己由細到大都好鍾意小動物，而家屋企已經養咗兩貓兩狗，三隻龜，一隻兔仔，所以真係要賺多啲錢開返個動物園，其實之前原本想領養流浪狗，當時機構都嚟屋企睇晒居住環境，而且自己都有養狗經驗，但最後因為自己工作時間關係，及家人真係無時間幫手照顧，始終大狗每一日都要帶出街散步，所以最後取消領養念頭，但自己每次看到棄養動物嘅新聞，自己都會好心傷，所以呢個活動可以幫助及呼籲大家要愛護動物。」
更多現場圖輯:
