無綫歌唱真人騷《中年好聲音》本周日（2日）晚播出爭入八強的第六部曲《男歌女唱！女歌男唱》，本回合累積排名分數最低的選手將被淘汰，杜德偉擔任今集嘉賓評審。是集出場歌單是《特別的愛給特別的你》龍婷、《我願意》周吉佩、《她來聽我的演唱會》李佳、《頭髮亂了》支嚳儀、《味道》涂家堯、《原來你什麼都不要》顏志恒、《月亮代表我的心》吳大強、《破曉》羅啟豪以及《眼色》林鉫徫。
是集最吸睛的選手分別是龍婷、支嚳儀及林鉫徫，三位女將於本回合玩突破，曲風和造型都有別以往。龍婷以皮褸上陣化身型爆Rock妹獻唱《特別的愛給特別的你》，「走甜」造型令人眼前一亮，杜德偉大讚有驚喜：「人Show合一。」肥媽亦笑言：「有隻小魔怪走咗出嚟。」
支嚳儀同樣「走甜」玩型格，她以白恤衫加吊帶西褲上陣的中性打扮跳唱《頭髮亂了》，更首度挑戰唱Rap，但評審似乎對她的表演不太受落，杜德偉直言：「當你做第一個動作時，我就覺得唉…你嘅郁動唔夠大同Powerful，一開頭已經輸咗。」伍仲衡更直指：「唔好喺比賽度做未做過嘅嘢！」
林鉫徫則化上濃濃眼妝獻唱《眼色》，妖味濃兼極迷幻，表演期間她更拉咪飆高音，周國豐說：「見到你揀呢隻歌，覺得你癲咗，再睇埋你出嚟嘅妝，係嘩咗出嚟，但你嘅妝同首歌係Match嘅，因為件事係癲嘅。」杜德偉亦大讚：「感受到你嘅努力同誠意，令我覺得自己都唔知唱唔唱到咁犀利，你個Range真係好闊。」
評審肥媽和伍仲衡之前已有數度針鋒相對，今集又再上演牙骹戰，特別是顏志恒表演的《原來你什麼都不要》，當中有評審指志恒唱到似撩交嗌，肥媽力撐志恒外，還說：「有啲唔係唱歌嘅人係唔會明白，我哋呢啲唱歌嘅人就非常明白。」伍仲衡即插嘴：「唱歌係唱俾啲聽眾聽，聽眾9成9都唔係唱歌嘅。」肥媽聞言激動彈起說：「比賽最緊要評判俾分！」火藥味濃，最後要坐在兩人之間的杜德偉起身調停。
