去邊啊Do姐｜鄭裕玲挑戰辛辣咖哩 林家謙滴晒汗嗌收工

Do姐專誠帶家謙睇水豚。

由鄭裕玲（Do姐）主持HOY TV旅遊節目《去邊啊Do姐》，今晚（5日）播出第二集，Do姐、林家謙兩位處女座繼續針鋒相對。家謙曾經在歌曲以水豚為概念，表達「躺平佛系」的人生態度，Do姐專誠帶家謙到日本最大的象園王國，親親水豚同大象。

家謙指Do姐都似水豚。

原來今次係家謙首次見到水豚，不過傲驕的家謙一時一樣，一開始否認自己生得似水豚，認為只是歌迷意見，下一句又轉口風，覺得水豚又可愛又酷，同自己「好似照鏡一樣」。家謙又指Do姐都似水豚，因為Do姐「10點鐘瞓覺」，「摺埋喺屋企唔理人」、「都係好Cute」，Do姐亦相當受落，似乎只聽到家謙讚她可愛。

Do姐帶家謙去食嘢。

二人又去到潮流集中地下北澤，嚐立食辛辣咖哩。作為四川人的Do姐出名食得辣，拍板揀選一系列火辣菜色，幫自己添辣的同時，幫家謙猛加辣汁，家謙真心表示Do姐「對我真係好好喎」。家謙邊食邊講「碎料」，不過食到一半已經辣到流汗標眼水，頻頻催促Do姐快點完成拍攝收工。

Do姐幫家謙加辣汁。