盧慧敏（Amy）在劇集《叠影狙擊》演女殺手，首演打女的她拿起手槍在街頭駁火，還狂跑幾條街追殺目標，40吋長腿飛踢動作，非常有型，不過Amy自爆：「第一日埋位拍動作場面，最開心發現自己好多缺點。首先我有『跑步困難症』，唔可以跑得好有型，可能由細到大，我只會喺危急關頭先至會跑，當然唔會理儀態和儀容，所以今日就發現自己跑起嚟，跑姿好似一個蟹和馬溝埋嘅生物，真係要好好改善。」
戲中Amy與黃宗澤有不少對手戲，她感謝對方的耐性，並多謝黃宗澤和導演指出她的缺點，讓她對症下藥，好好改善。Amy表示得到前輩的指導，好感恩：「真係好寶貴，我由零開始，好需要實戰經驗。見到自己嘅『不足』，先可以進步。過咗今日我又進步咗，我鼓勵每個人嘗試多啲認為自己覺得好困難、好辛苦嘅事，要一日比一日強！」
至於朱鑑然飾演的「飛飛」是梁曦（周秀娜飾）的閨密，劇集進入最後階段，觀眾擔心「飛飛」的安危，想知道「飛飛」到底有沒有死去。對此朱仔表示：「好多人都問我到底飛飛嘅下場係點，朋友直頭迫我講，我真係唔想劇透，希望觀眾繼續追落去，總之就好慘啦！」不過據知早前內地已率先播出劇集，飛飛最後竟被梁曦下毒手，網民都紛紛議論飛飛的下場，令人心痛。
