春茗上還頒發「傑出演藝大獎」，表揚過去多年來為演藝界付出寶貴青春、貢獻的前輩藝人，今年由余金珠、徐廣林、高爾珩、周驄榮膺獎項，會長古天樂更驚喜現身，其中周驄在古天樂手上接過獎座後說：「多謝大家俾我嘅肯定，我想講良心說話，我唔係為個人得獎而來，我真心欣賞演藝人協會，特別欣賞古天樂先生，我擦鞋擦咗幾十年，我估古天樂先生心裏有個願望，係搞演藝人協會轄下老人院。」問到古天樂是否如周驄所言有願望搞老人院？他說：「我都估唔到，因為係非常複雜，我盡力啦。」
至於2020年患上肺纖維化的余慕蓮（魚毛）精神不俗，但身形仍然偏瘦，且走路時要傭人攙扶。問到魚毛健康狀況？她自言身體狀況麻麻，日前食魚不慎鯁骨，要到急症室，她說：「喺醫院等咗七個半鐘，好多人，最後都係要留院一晚，先攞番條魚骨出嚟，而家我精神OK嘅，但醫生就話我唔可以跌，所以我都唔敢自己出街，一定要有姐姐陪，每朝早七點去公園行，夜晚喺屋企睇劇，睇完就瞓覺；而家開始冇記性，所以都有搵啲朋友打台灣牌，訓練自己。」