女團VIVA快閃跳唱嗌刺激 「咁熱天氣停低睇我哋表演」

女團VIVA昨日（4日）於尖沙咀及銅鑼灣進行兩場突擊快閃活動，跳唱出道歌《Topic Killa》及剛派台的第二首作品《DTR》，吸引眾多途人圍觀，亦有不少fans收到風趕到現場支持，氣氛熱鬧。

四人落力跳唱，觀眾反應熱烈，歡呼聲不斷。首次玩快閃驚喜，VIVA表示緊張又興奮，「第一次快閃，同埋只係出道咗兩個月多啲，可能仲未係好多人認識我哋，有擔心過draw唔draw到觀眾注意力，不過好驚喜同開心，一上台已經見到好多人走埋嚟，多謝大家支持，喺咁熱天氣下，停低睇我哋表演。」

+3

除此之外，四人都異口同聲大呼快閃演出刺激又新鮮，希望以後可以多點不同類型的演出，VIVA又透露將會有音樂會演出，「8月17日我哋會喺海洋公園有音樂節演出，希望到時見到大家啦！」最後VIVA與現場圍觀的途人及fans大合照，快閃活動圓滿結束。