張敬軒早前推出由他作曲、黃偉文填詞的首支派台作品《隱形遊樂場》，歌曲至今達到一百五十萬點擊率，更成為七大音樂平台首位。對於歌曲獲得佳績，軒仔謂十分感恩：「因為都差唔多成年冇出歌，加上呢首歌除咗係自己作曲，喺MV部份亦都參與咗好多，真係可以話係嘔心瀝血，哈哈，所以見到而家呢個成績，好感恩，希望首歌之後會有更加好嘅表現。」
對於歌迷紛紛疑問軒仔為何未有現身MV，軒仔解說原來是有驚喜給大家：「因為有第二首MV囉，我哋今次決定派唔同嘅version，好似打機咁，希望支持我哋到某一個數嘅時候，成就解鎖，就會有一個新版嘅MV釋出。都可以預告一吓，第二個mv會見到我，同埋Full cast 嘅畫面，嚟緊好快就睇到喇。」