張衛健（Dicky）近年與太太張茜享受半退休狀態的幸福生活，除了間中於內地綜藝節目亮相外，已經鮮有在幕前演出。早前他續任養生健康食品代言回港拍攝廣告，拍足兩日依然零疲態。
Dicky於廣告中共六個不同造型，有多年演出經驗的他，無論是西裝型男還是運動健兒都能輕鬆駕馭，唯獨拍攝當日天氣酷熱，Dicky笑言要「嗌救命」：「真係熱到離晒譜，仲要拍我打拳，我都驚自己熱到爆血管，不過做演員都習慣晒，冬天拍夏天嘢，夏天拍冬天嘢，好彩啲動作都好簡單。」
開心享受拍攝過程的Dicky坦言，有衝動再拍攝香港劇集，對上一次已經是電視劇《大帥哥》：「拍《大帥哥》之前，又隔咗好耐冇拍講廣東話嘅戲，對我嚟講，可以用廣東話演戲，係一件好舒暢、好有快感嘅事。」
58歲的Dicky更分享「童顏秘密」：「無論幾多歲，都要追求緊一啲嘢，保持好奇心，要學習、提升，令自己進步。最近我想學急救，即係如果身邊有人有事，甚至係咁啱遇到嘅任何人有問題，我都可以幫手，我覺得呢樣嘢終身受用，可能真係救咗人哋條命，甚至人哋一家㗎喎。」
