無綫遊戲節目《思家大戰》第三季本周日（21日）播出，姚子羚率領的「一舞傾城」隊，成員包括蔡潔、陳星妤、莊鍶敏及莊思明，對戰家庭觀眾的「My gym girl」隊。
主持人李思捷甫開場就問在《一舞》飾演「媽媽生」的子羚攞料問事前點做角色Research？之後，子羚按思捷要求戲精上身，化身劇中「媽媽生」表演「拉客嬌俏兩式」—掩嘴笑及搭膊頭：「李老闆，今日第一次嚟到呀，真係啱喇，我哋《思家大戰》嚟咗好靚嘅女女呀」；劇中飾演子羚敵對「媽媽生」的莊鍶敏亦不遑多讓，拉着打扮性感的妺妹思明向子羚示威：「我呢邊好好，係咪特別少布先？嗰啲包到咁冇服務㗎！」思明則搞笑接招：「我慣咗俾人彈鐘嘅。」
正式遊戲環節亦是高潮迭起，來勢洶洶的「一舞」隊，第一條問題已成功清板，其間莊鍶敏為了爭勝，不但表情多多，答到興起時更高呼：「男人！」，遭思捷點名稱讚：「我就係知你性格，講咪講咯！」
