《2024 香港小姐競選》15位候選佳麗今日（27日）出席鐘錶活動，即場化身模特兒行catwalk，（7）秦冀雯、（8）盧凱怡和（9）陳甜甜皆獲得「最佳腕表演繹獎」，身高178cm模特兒身型的（14）楊梓瑤雖然未獲獎項，但對行catwalk和自己卻信心爆棚，「其實平時行catwalk都行慣，今日啲甫士都簡單，因為身高比較突出，都會互相問大家擺咩甫士，不過我就無咩必殺甫士，因為擺咩甫士都靚。（決賽有咩才藝表演？）跳扇舞，之前有學跳中國舞，我覺得自己當晚可以喺才藝表演環節搶分。」
（2）倪樂琳表示今次為產品行catwalk，難得不用穿高踭鞋，以波鞋上台，行起來更穩陣，「平時好少行catwalk，所以今次覺得好有新鮮感，而且平時都係展示自己個樣，第一次展示產品，好彩今日係著波鞋，行得比較穩陣，令信心都大增，雖然著高踭鞋會令人有自信心，但太高，唔係太慣，而家都要喺屋企不停練習著高踭鞋行。」梁嘉莹指因昨晚睡得不好故令狀態麻麻，問到行catwalk，她表示平日也會著高踭鞋，4吋高以內也能適應，但接受catwalk訓練時，導師指她的眼神不夠自然，有時會瞪大眼，眼神兇悍故需要作出改善。
更多現場圖輯：
