泳兒（Vincy）去年完成「祝福三部曲」，告別過去幾年的沉重主題，同時亦告別多年的招牌金髮，染回黑色，這次Vincy想將自己真實的生活、性格呈現出來，例如喜歡看鬼片，卻又很怕鬼，「以前覺得歌曲主題一定要好有深度，只有填詞人先諗到，但經過前幾年嘅磨練，創作團隊成日叫我分享多啲感受，唔好覺得細微細眼嘅嘢唔重要。歌手就好似一面鏡，反映聽眾感受。其實我嘅性格有時動有時靜；驚孤獨，但係又需要私人空間。」
今年首支派台作品《撞到正》是與Nowhere Boys合作，向來音樂充滿電影感的Nowhere Boys一直希望以恐怖片作題材，跟這次想探討「鬼」的Vincy一拍即合。為了展現Vincy有趣及鮮為人知的一面，Nowhere Boys特意以電影《回魂夜》作藍本，加上電玩遊戲《孖寶兄弟》的鬼屋聲效，用可愛的黑色幽默風格為歌曲定調，加上小克的詞，諷刺人比鬼更可怕。
Vincy說：「鬼同我哋嘅channel唔同，人類未必見到，我哋對鬼嘅恐懼大部分都係嚟自電影同鬼故，但諗深一層，當你遇到同自己唔同channel嘅人，有時唔單止冇得避，而且仲要同佢哋共存，其實都幾恐怖。」
