洪卓立開騷同粉絲近到伸手摸到 冇見女友劉沛蘅幾個月嗌唔習慣

Ken第一站珠海站於日前完美展開。

洪卓立（Ken）近年轉戰影視界，在暫別了一陣子歌壇後，終於在2022年尾舉辦了巡迴音樂會，第一站珠海站於日前完美展開，門票開售當天，一小時內就火速售罄，將於下周一（26日）舉签的第二站廣州站未開票，粉絲認購已經爆滿。

這次的音樂會在一千人的場地舉行，Ken回應：「其實好耐無開類似嘅個人音樂會或者演唱會，好想喺相對嚟講叫做近距離啲嘅場地接觸吓觀眾，唔想隔到好遠咁揮手，我都唔知個觀眾係咪望緊我，但噚日嘅表演係近到伸手可以摸到，同粉絲近到不停低炒影相。」

與粉絲近距離接觸。

提到音樂會主題，Ken表示大有含意並解構，「之前喺唔同嘅社交平台，我有時都會開心事台，等粉絲又或者有留意我嘅朋友留低一啲心事或者心入面嘅說話，後來愈積愈多，後尾經過大家嘅同意，我最後將呢啲『來信』轉化做影片，同大家一齊分享唔同人嘅故事，希望可以透過網絡安撫吓大家，慰藉到大家嘅情緒，所以就創作咗一個叫『說故事的人』系列。去到音樂會嘅時候，我就覺得不如就將呢個系列搬上舞台啦。」

做個唱故事的人。

至於同女友劉沛蘅（Hillary）幾個月無見，有沒有不習慣？Ken搞笑地說：「有唔習慣㗎，生活入面突然少咗個人成日折磨你。不過好彩都可以傾吓視像電話。」

同女友Keep住視像。