72歲的校長譚詠麟，完成內地的工作終於返嚟香港過新年，其實校長返到香港已經即刻相約苗喬偉（三哥）、戚美珍到茶餐廳歎下午茶、之後又約鍾鎮濤（阿B）打保齡球，行程非常忙碌！
不過再忙都好，新一年新形象，當然要靚靚仔仔，校長都唔例外，他在社交網放了數張到髮廊剪頭髮的自拍片，不過他戴上了頭套，亦沒有展示新髮型，好神秘，只是簡單寫道：「早晨，開始要準備好啦，畢竟過年嘛！」有不少粉絲都好好奇校長的新Look：「等驚喜」、「快點發新髮型出來喔」、「期待」，不過亦都有網民錯重點，把焦點放落校長的一對手上：「指甲剪得好短喔，下次我幫你剪！」，十分搞笑！
隔了一天，校長終於揭開了他的神秘面紗，他在社交網上載了新髮型照，原來他染了一頭黑髮，頭髮看起來仲好濃密，他更擺出一個殺死人的眼神，粉絲見到都大讚好靚仔！
相片來源：譚詠麟@微博
