今日（18日）是連詩雅腹中小公主的預產期，原本在馬來西亞工作的陳家樂昨日經已返港，正忙於為小公主砌牀，即將「卸貨」的連詩雅在社交平台訴心聲：「突然之間覺得時間過得好快，一開始懷孕嘅時候，希望時間快D過，可以快D見到阿女，同埋坦白講，懷孕其實並唔係我想像中咁容易，每個周期都要面對身體唔同嘅變化，上網都見到好多人好似陀得好舒服，好自如，就覺得有啲氣餒，點解自己特別容易攰，好似好冇精力咁，好多嘢好想做，但係又真係欠缺呢個精力，有時又會覺得好無助，但係好感恩得到身邊好多人嘅支持，感受到好多嘅愛護，就會好快調節自己嘅情緒，轉眼就嚟到最後幾日，冇諗過自己會咁講，但係竟然有啲唔捨得，一個身體兩個心跳既感覺，呢個真係一個永世都會記得嘅過程，好難忘，我會好好記住的。」
家樂早前夥拍師妹鍾雅婷拍廣告，家樂表示正學習成為一個稱職的多功能老公，他笑言是個緊張大師：「平日外出瞻前顧後，很多時候反被太太叫自己放鬆一點，被取笑小朋友出世後一定十分緊張。」家樂大讚太太連詩雅廚藝了得，只是現在不方便出入廚房，所以間中由他下廚。家樂表示雖然工作忙碌，幸好太太十分體諒，不用工作時都會陪伴太太，還偶爾會送上一些小驚喜。
更多圖輯：
圖片來源：陳家樂@instagram
