陳柏宇（Jason）最近推出新歌《懷舊是一種品味》，日前他出席活動時，在夕陽和歌迷的襯托下，首度現場獻唱新歌，也在現場的女兒Abi也大開金口合唱。Jason亦分享了自己對於懷舊的睇法，並同時更宣布新碟《in Rhythm》即將面世。Jason表示有很多人會很念舊，總覺得舊的人與事都比現在好，但他覺得不妨正向一點：「如果係咁嘅話就要轉一轉個心態，要活多啲喺現狀，唔好只係一味覺得舊嘅好啲，要諗辦法令自己覺得依家嘅生活都係有佢嘅好，值得開心。」不過Jason又從另一角度分享懷舊的好，指人都總要有耐性與感性的一面，他說：「耐性同感性一面唔夠嘅時候，可以分享多啲熱血或者懷緬感覺嘅經歷，否則會慢慢喪失人性，因為不論工作或者人與人之間嘅溝通都變得好機械化，尤其喺社交平台上面，好少會睇到一啲好開心，值得鼓舞嘅嘢，成日又踩又鬧，令到我哋唔容易同人connect、願意聽人哋嘅分享。」
Jason亦分享了他的童年回憶，他說：「我有好多好舊嘅回憶都係同婆婆嘅居多，例如係移民加拿大嘅時候同婆婆一齊去老麥買雪糕，同埋我細個嗰陣佢教我打麻雀。另外仲有太公，讀小學嗰陣，返屋企食lunch經常會有腐乳撈飯，再加蒸豬肉，咁就一餐。我通常會記得同朋友或者同屋企人嘅相處居多，反而唔係擁有過乜嘢物件，或者物件帶比我乜嘢感覺，而家就會同兩個女去製造一啲回憶。」
之後Jason拖住5歲多的Abi表演了後空翻外，她更在Jason唱出新歌時跟住合唱，就連Jason也大讚Abi說：「你今日有好大進步喎！唱咗兩句，我以為會笠水but you prove me wrong（但你證明我是錯的）」就在此時，Abi忽然表演一字馬，更問Jason：「你得唔得呀？」把Jason也弄得哭笑不得，只好回答女兒：「我唔得。」
