首次擔正女主角，問到Yoyo會否同老公王浩信一齊睇？「佢拍緊劇，未有時候睇，播嘅時候先算。」王浩信與陳自瑤這一對話題夫婦屢傳婚變，最近兩公婆接連有新劇出街，王浩信日前出席劇集《狀王之王》宣傳活動時，就罕有開腔提到今年的情人節，更一反常態大談老婆陳自瑤，一家人亦有一起欣賞《狀王之王》，相反陳自瑤在情人節時於社交平台上分享了新年靚相，寫道：「看，我被財神捉住了。今天我和財神有個約會，情人節迎財神，祝大家有錢又有愛」，兩人被指冇夾口供出問題，問到Yoyo情人節時無夾口供一事，她又口啞啞，「有啲咁新聞，點講呀？我無睇佢講咩，總之私人嘢唔講喇，都係講返套劇。（咁你有冇一齊睇《狀王之王》？）前排我有一段好長時間唔喺香港，但都有睇少少，喜劇都搞笑。（你老公扮女人靚嗎？）un……..我覺得我扮女人靚啲。」身旁的羅子溢眼見Yoyo太尷尬，即為她打圓場改話題。
