回歸本地樂壇的古巨基今日透過好友黃子華的金口，公佈即將開紅館騷的好消息！基仔對上一次開港騷已是2011年的事，歌迷苦等7年，終於等到基仔於今年5月假紅館開唱。對於7年沒開騷，基仔大呻「身痕」：「好痕啊，7年之癢喇，好期待！」他透露演唱會全場只唱廣東歌，撐香港本土，命名為「香港站特別版」。
基仔更請得好友子華神為他拍片：「古巨基，聽講你5月開演唱喎，依家已經係2月啦喎，7年冇開演唱會，忽然間要開演唱會，聽講你有首歌係同我有關㗎喎，你唔好呃我，我一定擘大隻耳仔等候你嘅演唱會。」
查實基仔與子華神一向老友鬼鬼，二人曾合作電影《衝鋒車》，連基仔結婚的兄弟團都見到子華神的蹤影，基仔去年的45歲生日亦見到子華神一同慶祝，齊齊食「生日雪條」。基仔受訪指請老友拍片全因其靚仔：「因為佢靚仔，咁緊要嘅嘢要搵個靚仔公佈，呢排佢當旺！」對於二人的合作大計，基仔就大賣關子，暫不透露詳情，神神秘秘稱要留待下月才公佈。
子華神當年一句「藍藍天空高掛我的夢」唱到街知巷聞，他亦曾多次為不同擔正的電視劇獻唱主題曲，有相當豐富的歌唱經驗，未知是次「合作」是大開金口合唱還是幕後的合作，歌迷都表示非常期待下月再次公佈的好消息！
圖片來源：互聯網