元祖地獄廚神大蛻變 官恩娜磨刀十年做廚娘

最近有傳無綫將會翻拍多年前的黃金綜藝節目《美女廚房》救收視，講起《美女廚房》，各位一定會想起來自「地獄廚房」的官恩娜（Ella），當年她憑一道「尿味瀨尿蝦」，榮獲演藝界首位「地獄廚神」的封號。十年過去，Ella不但沒有嫁不出，更是一子一女之母，廚藝可謂突飛猛進！母愛爆棚的Ella，為了愛子的健康，不惜「破地獄」，苦練廚藝，更於Instagram建立「媽媽煮BB食」系列的照片，經常分享自創的美味菜式。

Ella初登《美女廚房》，創新地在洗手盤揮刀劏墨魚。

想當年Ella上《美女廚房》煮餸真的令人膽顫心驚。煮蔗蝦不但煮不熟蝦肉，而且更不去蔗皮，原條蔗釀肉。在《美女廚房》總決賽《天堂地獄爭霸戰》時，Ella雞手鴨腳地煮了一道椒鹽瀨尿蝦，雖然賣相不錯，不過食落卻有陣「尿味」，食到一眾嘉賓大叫救命，最終擊敗火燒廚房的吳雨霏獲得「地獄廚神」稱號。

傳說中的原條蔗釀蝦肉。

Ella下廚雞手鴨腳，經常手持鑊蓋護體。

經過「地獄廚房」的洗禮，時至10年後的今日，Ella尤如脫胎換骨，蛻變為愛心廚娘。她在2015年結婚後迅速產子，並在2017年生下第二胎，如今她已是一子一女的母親。Ella為了讓寶貝子女食到健康的食物而努力學廚，不時於網上分享菜譜，更開設「媽媽煮BB食」系列，分享不同嬰兒菜式，有豆腐蔬菜烏冬、豬肉白飯腸仔、豬肉紅蘿蔔洋蔥紅腰豆白飯等等。各式各樣的飯菜都有，而且引來不少網民留言支持，稱讚她已經脫離「地獄廚神」身份，更紛紛向她索取食譜，又叫她開直播教下廚。

Ella雖然獲網民大讚，但囝囝卻不賣帳，偶爾會拒食Ella的愛心餐，打擊她的自信心：「今日跟兒童食譜煮咗個紫菜烏冬俾佢食…佢唔鍾意食，之後跟我個妹敎我咁整咗個係小朋友都爭住飲嘅smoothie 畀佢飲，飲咗一啖就皺眉頭全部吐出嚟！再Bu Bu Bu Bu Bu……天啊～我嘅自信心到底仲可以跌到幾低？但係為咗個仔我知道我點樣都唔可以放棄……人哋話書到用時方恨少，唔知有冇餸到煮時方恨少㗎呢？細個點解唔入下廚房學下呢……」自覺廚藝有待改進的Ella亦有帶同囝囝一起「進修」，與囝囝一同下廚享受家庭樂。囝囝平時不只幫手食，人仔細細的他更有幫媽媽手買餸，。

幫手買餸的囝囝令Ella甜入心。

母子檔下廚！

圖片來源：互聯網