古巨基日前（5月11日）喺演唱會升降台意外跌落受傷，但基仔休息咗陣就摸住頸走番上台，仲同大家講：「我想繼續落去。」睇嚟基仔係為咗唔想購票入場粉絲失望同擔心，所以先決定繼續表演埋餘下環節，呢種專業精神實在值得我們敬佩！於演唱會完結後，基仔就去咗醫院檢查，結果並無大礙，只係肌肉拉傷，稍作休息便可康復。
古巨基亦喺社交網拍片表示多謝大家關心，並留言：「剛剛我去醫院照了磁力共振，結果並無大礙，只是肌肉頸背肌肉拉傷，但並不會影響演唱會演出。今晚我會回家好好休息，明天（今晚）照舊，紅館見！」
另外，基仔經理人霍汶希以錄音作出回應，她表示基仔現階段的傷勢不太嚴重，暫無大礎，還可以繼續唱歌，但為了保險起見，演唱會後仍會前往醫院進行檢查。基仔事後馬上回應表示只是自己忘記了舞台上時光機的位置，多謝大家等他重新上台，然後向大家說：「我已七年沒有聽過紅館的聲音！」觀眾隨即呼聲四起，基仔便唱出《必殺技》報答大家對他的支持，「我安全冇事，因為背脊落地，但如果之後換衫要耐啲、跳舞動作梗啲，大家多多體諒啊！」
