「浪奔！浪流！」葉麗儀喺最新一集《流行經典50年》一開金口就令到全場觀眾起晒雞皮兼拍晒手，事關《上海灘》呢首電視劇主題歌真係經典之中的經典。相信各位年輕讀者未必睇過由發哥周潤發飾演許文強的《上海灘》，但肯定聽過呢個前奏音樂。而對於七、八十後來說，如果冇撈過《上海灘》的汁食飯，就好似去海洋公園冇坐纜車一樣，所以聽到「浪奔！浪流！」會諗起許文強幕幕經典完全唔出奇。
《上海灘》原唱為葉麗儀，至於曲詞則由香港兩大樂壇才子黃霑和顧嘉輝聯手創作。樂聖貝多芬顧顧嘉輝早年接受明周訪問時表示，創作《上海灘》的時間非常倉促，黃霑只有一晚時間完成填詞部分。幸好當時他住在窩打老道山，黃霑住在何文田，他的客廳可以望到自己的書房，令合作上更為緊密，才可以高效率地寫出一首又一首的經典。
香港兩大樂壇才子黃霑與顧嘉輝合照
至於，《上海灘》聽起來猶如處身海邊大談恩怨情仇的，霑叔的詞功勞當然高，但我們也不要忘記道謝霑叔的廁所。因為聽說霑叔填《上海灘》詞的靈感來自如廁經歷，或者霑叔當年如廁後沖廁，靈感便如廁所水般湧得滔滔不絕，才成就現在波斕壯闊的詞。