新一輯《美女廚房》已經播咗幾集，而最近兩集開始走上軌道，蕭正楠「龜縮（歸縮的食字）」等笑料開始爆出，但仍然得不到觀眾歡心，有網民表示呢兩輯既反應有如此大反差，最主要因係缺少咗「暴龍哥」鄭中基呢位靈魂人物。
延伸閱讀：
如果話鄭中基係《美食廚房》嘅靈魂人物，相信無咩人會唔同意！佢試菜嘅時候表情豐富，而且為人直腸直吐，敢於大膽亂噏，難食就直接話難食，唔會扮野造作。
另外，暴龍哥真性情嘅演出深受觀眾喜愛，而且佢堅玩得嚟又唔顧形象，當佢同成班嘉賓、粥粉麵飯、參賽者打成一片嘅時候，節目輕鬆好玩嘅氣氛就出晒嚟，基本上佢唔使開口講嘢，係畫面出現幾秒已經充滿喜劇感。而且，佢同其餘兩位拍擋主持人於節目開拍前已有一定認識，建立了一定默契方面，一Roll機就識得自動波分工，鄭中基負責亂噏搞笑帶動氣氛、方力申負責講少少鹹多多趣的評語、梁漢文負責嘔，三個聚埋一齊就產生咗好多意想不到嘅爆笑效果。
說到底，節目主持就等於綜藝節目嘅靈魂，一個綜藝節目成唔成功，主持已幾乎主宰了一半。因為主持帶得起整個節目嘅氣氛，嘉賓觀眾自然更投入去玩，就好似友台ViuTV近日邀請了杜汶澤下月上《全民星戰》，整個形勢即時來個大逆轉，不少網友都表示期待看到杜汶澤的綜藝節目。
延伸閱讀：
所以話，《美食廚房》無咗暴龍哥點得？如果新一輯《美女廚房》可以邀請佢做嘉賓，效果一定超爆笑！
圖片來源：my TV SUPER
www.mytvsuper.com