女人有幾惡毒真係無樣睇！無綫劇集《宮心計2深宮計》中飾演太平公主的煒哥（陳煒）奸起上來都不是人咁品，觀眾看到她後面就已經憎她前面。
但現實生活中的煒哥，細細個已精靈可愛，繼馬浚偉同胡定欣都先後找數，晒童年裸照賀好成績後，劇集近日於國內點擊率已經超過廿億，煒哥就在社交平台放童年照片賀一賀，更寫上：「馬上要破廿億，多謝大家支持！送上太平公主成長記，太平公主是如何煉成的？」
煒哥大曬由BB到少女時期的照片，BB時的她眼大大，面圓圓好得意，到少女時期亭亭玉立，五官又立體，再加上一把秀髮，是靚女一名，完全睇唔出佢可以有一對「深宮眼」！難怪有網民睇好佢攞視后！
