大小姐（林淑敏飾演）同送水輝（飾演許家傑）呢對《愛回家》熒幕情侶早已成為劇中必追焦點之一，唔少觀眾都希望二人的感情能開花結果，可以有情人終成眷屬。而日前由大小姐FF的《初戀無限feel》來到最終回，他們上演了一段向華仔致敬的2018年新版《天若有情》，宣布未正式拍拖，感情便可能來到最終章。
大小姐同送水輝呢對《愛回家》情侶劇情浪漫又搞笑，追看性不俗。而近月劇情發展到大小姐要在家族生意繼承權和愛情之間作出抉擇，她無奈作為龍家長女，只好犧牲愛情，選擇得到家族生意的繼承權。
《愛回家》向經典電影片段致敬唔係第一次，例如早前上山頂拍港版《La La Land》同港版《我的少女時代》已帶來極大迴響，今次再下一城就向華仔劉德華同吳倩蓮經典電影《天若有情》進行二次創作，將打爆玻璃着婚紗的情節改為光明正大入去試婚紗，而輝Dee亦減去原版的悲傷感覺，沒有邊騎電單邊流鼻血。當年有睇《天若有情》嘅網民見到呢幕都大呼過癮，但劇集效果只為劇情需要創作，各位道路使用者千祈唔好學華仔同輝Dee唔戴頭盔揸電單車啊。
延伸閱讀：
【初戀無限Feel】扮《我的少女時代》大小姐、送水輝學生Look談情
圖片來源：林淑敏@Instagram、myTV SUPER(www.mytvsuper.com)
影片來源：新寶娛樂、myTV SUPER(www.mytvsuper.com)