受力捧除了要捱得苦，都要捱得痛，好似港男出身的丁子朗，早前他於big big channel就上載咗一段拍攝節目《今期流行》時的花絮片段， 他與同樣港男出身的麥凱程（Alex），以及KOL孔德賢（Danny）以小背心加超短褲齊齊學跳鋼管舞，騷結實肌肉，相當有睇頭。
之後老師教他們如何用雙手的力去撐起全身，令雙腳離地，大大隻的Alex當然無問題，子朗原本以為好容易，但竟然因為手毛過長而跣咗落嚟，相當狼狽。他又嘗試用雙腳夾實鋼管，點知佢忍唔住自爆夾到好痛，仲講笑話有嘢頂住：「中間⋯⋯夾住咗呀！」
原來他在褲袋入面放了張卡紙，令佢上鋼管時失手，即刻引到全場爆笑。再到Alex挑戰的時候，又一次輕鬆完成，令Danny都忍唔住暗串：「原來Alex係冇㗎！」網民即大讚三位小鮮肉好煞食，相信節目播出時一定好好笑。
