由鄧麗欣（Stephy）、馬志威主演的電影《12日》是20年前經典電影《12夜》的概念延續，今次更找來試當真的許賢、蘇豪演出。許賢、蘇豪一同扮演茶餐廳伙計，Stephy與馬志威卻因為兩人的出現經常忍不住喪笑，結果頻頻NG。該場戲分講述Stephy與馬志威在茶餐廳開餐，許賢蘇豪一出一入不停打擾二人談情，令場面彷如上演一場麥兜式對話。
許賢與蘇豪一本正經的表情，卻依然充滿喜感，結果每次出場站在Stephy與馬志威面前時，都令他們難以忍笑，Stephy更一度焗蟹，導演一喊Cut，她與馬志威隨即笑到彎腰！Stephy不好意思地說：「開咗掣就好大鑊，笑唔停。」事後問許賢及蘇豪，他們可會想到令Stephy與馬志威喪笑，蘇豪即笑言：「我有諗過，成日都係咁。」但許賢則道：「我冇諗過，所以後來我特登唔望佢哋，睇下可唔可以幫佢哋忍笑，好似都有幫助。」