實力派演員徐錦江，出道40年間演出過好多經典之作，每個角色都令觀眾留下深刻印象。徐錦江近年轉往內地發展，但一班戲迷仲好掛住呢位「老戲骨」，更不時以佢個樣二次創作，成為網民嘅「萬能Key」。
近日，內地播出新版《倚天屠龍記》，有網民重溫舊片段，由徐錦江飾演嘅金毛獅王謝遜再次受到關注。原來當年徐錦江為求真實，全程反白眼拍攝，佢日前（3日）喺微博透露：「當年因為翻白眼出演金毛獅王這角色，拍打戲時看不見對方，臉上還中了一劍。」
網民都紛紛大讚徐錦江演技精湛「突然心疼徐錦江！別的金毛獅王扮瞎子都是帶灰白色美瞳片！只有他！整整翻了十多集白眼！」、「難怪當時覺得演得特别真實」、「果然是最強金毛獅王」。佢又發起「反白眼挑戰」：「演員一秒入戲，等你挑戰沒壓力，花式白眼翻起。」網民都耍手擰頭表示：「我3秒都頂唔住。」、「反完之後，隻眼差啲反唔返落嚟。」
圖片來源：互聯網、徐錦江@微博