苑瓊丹近日重演電影經典角色「龜婆」，原來是要為開電視節目做主持！
苑仔話節目主要推介香港開電視每周節目精選，所以自己都要睇實節目表，了解未來一周節目精華：「今日第一日開工，噚晚搞到要食兩次安眠藥，因為我好耐都冇拍早班喇，擔心會唔知醒，好早就食藥瞓覺，點知隻狗半夜嘈醒左我，又食多次！點知冇耐又熱醒，我就唔敢再食喇，怕自己暴斃做咗頭條。」
苑瓊丹話應老友邀請出山做主持，所以一口應承拍攝，不過為免傷害圈中好友，預告節目「唔爆料」：「又唔係唔爆，係唔講傷害性啦，因為以前講邊個邊個咸豬手搞到滿城風雨，唔好喇！今次同大家分享片場小秘聞，將不為人知一面講比大家聽，等有心人知多少少，有興趣咪入行做我同事囉！」
