何雁詩（Stephanie）生日快樂！今日係Stephanie 29歲生日，嚟緊星期日（7日）更係佢同鄭俊弘（Fred）結婚周年紀念兼補擺喜酒嘅大日子。
近日有傳聞指Stephanie有喜，阿Fred回應傳媒嗰陣就話未有雙喜臨門，但希望將來會有。而Stephanie就笑住表示結咗婚嘅女人變肥，可能唔係因為有咗BB，亦有可能係幸福肥。另外，佢仲話唔覺得自己一定要好瘦、好瘦先係最靚，依家係正常體重，生活健健康康、開開心心就OK。
見到好友生日，江若琳老公蕭唯展（前名蕭潤邦）都有留言祝賀，「生日快樂，先至得29。」唔知係咪太羨慕何雁詩咁年輕呢？
圖片來源︰何雁詩@Instagram
