上周日無綫派出四大「愛妻號」陳豪（阿Mo）、陳山聰、陳展鵬及蕭正楠（阿蕭）為港姐擔任司儀，四人全程表現麻麻兼狂食螺絲，被不少網民批評是災難級冷場。
陳豪今日出席劇集《破毒強人》宣傳時自認做司儀係差少少，「太太都有在家睇港姐，睇我哋幾條友搞成點，都覺得差少少，佢主要睇我哋嘅台上表現同反應，（擔心你睇女？）我睇稿都無時間，邊有時間同精神睇女仔，我都想睇。不過做司儀真的需要時間磨練，大家再俾啲時間我，相信可以做到出色MC，因為我叫Moses Chan 。」
對於今年港姐多是非，陳豪說：「我無咩時間睇，其實都唔知邊個大熱，當然輸會唔開心，不過我覺得教佢哋失敗，好過教佢哋成功，因為人生將面對好多失敗，當是一堂寶貴的一課。」陳豪於劇集《破毒強人》中演技再次被讚，不少網民大推他為今年視帝，「視帝呀！到時先算，嚟緊重有咁多劇出街。」
