由「泰國通」胡慧冲主持的TVB Plus（82台）長壽節目《冲遊泰國》即將開拍第10輯，還邀來「新一代咪神」 黃婧靈（波波）強勢加盟，波波昨日（11日）已啟程曼谷拍攝。
波波受訪時坦言，好期待可以向泰國通胡慧冲學嘢。問到此行會否水著「泰」解放？波波興奮地說：「呢個一定啦，陽光與海灘喎，絕對唔可以嘥咗呢個機會，已經準備定水著帶去泰國，至於帶咗多套泳衣？呢個就賣下關子先，大家到時睇咪知囉！」提到最近有網友指她發福，問到會否怕美食當前增磅？波波笑言：「我會努力保持最佳狀態㗎喇，至於美食方面就只好淺嚐，唔會食太多，做藝人始終都要身材管理一下。」
胡慧冲不忘多謝TVB給他這節目做到第10輯，但坦言亦有啲擔心會否是節目的結局篇？還是還會踏入第11輯？因為不知道，所以要繼續做好個節目！問到今輯行程？胡慧冲透露：「今次因為有波波出現，梗係要安排啲碧波暢泳嘅場面俾佢啦！之前無論冬蔭妹也好、叉燒姐玲玲也好，去親芭提雅都特別受大家歡迎，所以希望今次去芭提雅都會繼續受歡迎，之後仲會去一個叫大城府嘅地方，之前好多輯都想去嗰度，但結果都係冇去到，希望今次真係去到啦，同埋曼谷梗係唔少得啦！」胡慧冲又預告冬蔭家族會再添新成員。
