鄭裕玲（Do姐）在今晚（7日）播出的《去邊啊Do姐》，繼續與魏浚笙（Jeffrey）暢遊日本，品嘗即造和菓子，又試盡日本各款米飯。Jeffrey對自己的飲食知識非常有信心，又指導Do姐進食時的注意事項，但用詞比較貧乏，品嚐所有食物都循環使用「濃郁」、「淡」形容。
Jeffrey與Do姐首先相約在東京日本橋見面，勤力的Jeffrey一見面就「自動波」介紹江戶歷史，又解釋自己為了尊重歷史，以一身復古風藍色西裝赴約，意義不明但非常有型。二人到日本橋一間老店，品嚐現場即製新鮮和菓子。Jeffrey甫坐下就拋書包，講解「生和菓子」是指水分高達30%的和菓子。兩人品嚐白豆沙和菓子，Do姐問Jeffrey「白豆沙比紅豆沙係咪淡啲？」，Jeffrey：「唔係，紅豆沙濃啲」，Do姐都聽到一頭霧水：「咁我講淡啲有咩唔啱？」，Jeffrey再指導Do姐：「應該用清澈形容！」
二人又品嘗以玄米做主題的和食套餐，Do姐主動「請示」Jeffrey飲食次序，先由濃味食物開始，被Jeffrey一口否決話「唔得！Do姐，我哋應該由淡食到濃」。Do姐又問Jeffrey菜色是否鮮味，Jeffrey回應「唔係」，Do姐都有少少激氣，「我樣樣你都話唔係，你唔使問我啦」！Do姐感歎「Jeffrey講嘢好似玄米一樣，好多水分」。Jeffrey與Do姐總結旅程，Jeffrey賣口乖大讚Do姐好young，好似「同細路女溝通，係細路女樣貌，智慧就十分之高超」，Do姐當堂「冧晒」回敬Jeffrey「好英俊，但原來好有趣，完全無偶像包袱」，二人相約日後再遊日本與富士山合照。
