古天樂旗下公司一眾藝人，余香凝（Jennifer)、廖子妤（Fish）、陳穎欣（Yanny）、林千渟、麥子樂、徐頴堃（Erica）、余潔滢（Zoe）、許月湘與吳嘉禧（Cheronna）等新春聚首，以開年飯迎接新一年！
回首剛過去的兔年，Jennifer、Fish與小師妹許月湘算是「大豐收」，分別入圍第42屆香港電影金像獎，角逐最佳女主角、最佳女配角及最佳新人殊榮，Fish盼望好姊妹Jennifer今年能踏上金像獎舞台領獎，她說：「揭曉入圍名單前一晚，其實我瞓唔着，好緊張，好想你（Jennifer）憑《白日之下》呢個角色入圍，真係好好睇，依家好開心你可以入圍，呢套係好電影，好多馬來西亞嘅朋友睇咗之後都話好睇，希望新一代香港電影會有更多好作品。好想見證Jennifer領獎，真係好值得，但又咁講，對手都好強勁。」相對Fish的期盼，Jennifer反而表示平常心：「自己平常心，反而見到小師妹（許月湘）入圍好開心，佢係一個好好嘅新人、態度好，而且又演藝學院畢業，好專業，希望以後金像獎名單會成日見到佢嘅名字。」
至於同樣在去年默默耕耘的Yanny、林千渟、麥子樂、Cheronna及Zoe，新一年亦繼續會有新挑戰，Yanny表示：「上年過得好精采，試好多新嘢，去咗不同地方，自己作品亦有好嘅迴響，新一年會繼續多姿多彩，因為我個人好冇記性，就算啲嘢重複發生，都好似新體驗，好開心。」此外，Yanny、林千渟與麥子樂，過往新年都不時被催婚及催拍拖，若拜年時被催婚時，眾人笑言會回答：「關你咩事！」問到若被老闆古天樂催婚又如何回應？Yanny笑言：「我知，我知！『咁幾時到你呀？』」此言一出，眾人哈哈大笑，林千渟更表示自己「學到嘢」，果然語出驚人。