昨日（1日）是哥哥張國榮（Leslie）離世20周年，本港各處均有不同形式的紀念活動，有「哥迷」到中環文華東方酒外獻花悼念，以及尖沙咀文化中心露天廣場舉行紀念晚會。而生前的經理人陳淑芬晚上在紅館舉辦《繼續寵愛‧二十年‧音樂會》，而環球唱片則於會展舉行《想張國榮致敬音樂會》，並邀得羣星獻唱哥哥嘅經典金典，懷念這位一代巨星。而前財政司司長曾俊華今日亦發長文悼念哥哥，他憶述上周五乘車經過文華酒店，看見酒店外面有很多漂亮的鮮花，表示20年過去仍然懷念Leslie，「20 年啦，仲有咁多人掛念你，感動到個身即時打咗個哆嗦。」
曾俊華指自己20年前還是一名公務員，得悉Leslie離世得消息感到難以置信，「喺 2003 年 4 月 1 日，有同事走來講比我聽，話你離開咗嘅消息，我同全港百分之九十九點九嘅市民嘅反應都係一樣，我哋第一時間完全唔相信，覺得係喺愚人節故意作假愚弄大家。到確知呢件事係事實嘅時候，你知我同身邊嘅同事朋友，係幾悲慟呢？」
他又表示透過曾任政務官的張綠萍（Ophelia）而間接認識Leslie，「因為你至敬愛嘅大家姐張綠萍Ophelia ，早年亦都做過政務官 AO，我哋屬於同一個活動圈子，大家都好熟絡，而你呢位大姐十分疼愛你呢個么弟，經常同我哋講起你嘅事，不知不覺，感覺就好似認識你一樣。你亦不時會來搵呢位大姐，仲好疼錫佢嘅一對孖女，嗰時你兩個姨甥女仲好細個，但係睇得出佢哋好鍾意、好鍚你呢個舅父仔。」
曾俊華亦讚Leslie屬於顛覆性的歌手、演員，「你嘅專業、創作以至演出，都將作品帶到另一個層次。每次睇你嘅演出，都感覺到你將自己嘅感情完全傾注入作品之內，亦都睇到你對追求完美嘅執著。你嘅作品，係我音樂節目成日出現嘅『常客』。」而曾俊華也提到Leslie是一位天王巨星，亦都有他鄰居男孩的一面，在他出道初期更加有 James Dean那種反叛又浪漫的性格。而電影中，Leslie給予觀眾一種百變的視覺形象，從《胭脂扣》和《霸王別姬》，到《英雄本色》和《阿飛正傳》，角色截然不同。他指Leslie的音樂風格非常感性，自己特別喜歡的歌包括《追》，《沉默是金》，《有誰共鳴》和《風繼續吹》。
他感慨寫道：「你嘅離開，比人再次感受到生命嘅脆弱；你嘅離去，造成心裡上嗰份失落感，至今仍然揮之不去，但係時至今日，你嘅歌仍然撫慰住我哋。Leslie，永遠懷念你。」並最後憑歌詞寄意，「春天該很好你若尚在場」、「雖已告別了仍是有一絲暖意」，「分開也像同渡過」。
部分圖片來源：唐鶴德@Instagram、曾俊華@Facebook
