《THE NEXT 20張敬軒演唱會》昨晚（26日）來到第23場，請來鄧麗欣（Stephy）擔任嘉賓。張敬軒說以往在行內有個稱號叫嘉賓王，做嘉賓的範圍好闊，由甄妮、關菊英，到同輩歌手陳柏宇都會邀請他做表演嘉賓，他說很開心有這些機會，令更多人認識張敬軒。
軒仔透露人生當中有一件事很少參與，就是拍電影，軒仔與Stephy透過拍攝電影《十分愛》（2007年作品）而認識，兩人同台唱出《十分愛》，引起全場哄動。軒仔向觀眾說他與Stephy的共通點，就是大家都曾經唱過經典網絡遊戲《跑Online》的主題曲，兩人更大談當年拍攝電影《十分愛》的趣事，軒仔說道:「電影其中有一幕係講我去約會你，然後大家坐喺鋼琴度，我係度彈鋼琴，你係隔籬呆呆地望住我，但係我見唔到你有一種愛嘅眼神。」Stephy回覆說:「因為拍呢一幕嘅時候，已經係凌晨4點，原本係間房度瞓緊覺，導演拍醒我叫我埋位，所以成場戲都朦朦朧朧地拍，我好記得望住你彈琴，咁靚仔，又咁有才華，但係我就呆呆滯滯。」軒仔鬼馬回覆:「唔係，你當時望慣另一個靚仔。」讓Stephy哭笑不得！
Stephy更向軒仔送上大利市，原來是電影《飯氣攻心》的換票證，軒仔說從來沒試過在紅館收利市，然後就交了舞台給Stephy唱出另一首經典作《他不准我哭》，Stephy更說近年忙於拍電影，很久沒以歌手身份見觀眾，所以很開心可以看見大家。
相片來源:鄧麗欣@Instagram , 張敬軒@Instagram
