![方力申在飛機上度過44歲生日,落機後再過一次。](https://www.mpweekly.com/entertainment/wp-content/uploads/2024/02/2-20240226083332.jpg)
方力申在飛機上度過44歲生日,落機後再過一次。
方力申(Alex)今日(26日)44歲生日,昨晚(25日)他在上交網上載獨自登機到多哈參加「世界先進游泳錦標賽」,留言:「今次真係大個仔,除咗自己一個人飛之外,我仲會過兩次生日添,一年過兩次226。 第一次在空中,第二次落機之後,應該仲係225。」
踏入凌晨時分,剛好在飛機上度過44歲生日,拍片紀錄的他留言:「大住一歲先,啱啱喺飛機上面過咗12點,2月26號喇!」到達多哈後,Alex又再慶祝多一次:「咁樣就大咗兩歲,你話個樣唔殘都幾難,快啲瞓覺喇,但我又唔敢瞓太多,怕聽晚瞓唔着,影響第日嘅比賽就大鑊。多謝大家陪我一條友過生日,多謝大家嘅祝福,收到晒﹗」他在片段中透露明日是他主項200背泳,狀態一定比去年在福岡時好,但隨即補充:「除咗係肥咗之外,冇辦法啦,新年吖嘛,跟住又生日吖嘛,大把Friend同我慶祝啊!」片尾還介紹下榻的酒店及房間。
![方力申到多哈時剛好踏入26號。](https://www.mpweekly.com/entertainment/wp-content/uploads/2024/02/5-20240226083338.jpg)
方力申到多哈時剛好踏入26號。