商台DJ朱薰近日與老公、仔女到英國旅行，約了移居英國的黃偉文（Wyman）一起參觀博物館，她更送上兩份好有份量的手信給Wyman，就是代表電台將兩個「叱咤」大獎交到他手上。
Wyman在IG上載了與朱薰的合照，他拿起兩個大獎，笑到見牙唔見眼，朱薰則在旁邊派心，不過她右手受了傷，戴了吊臂手托，但似乎完全沒有影響見老友的心情！Wyman寫上：「本來係同朱薰一家大細去 Natural History Museum 睇恐龍嘅家庭日，睇完佢突然喺門口拎咗兩件金掁掁嘅嘢出嚟⋯⋯原來係今年一月一號未攞嘅嘢！陰功，咁重喺香港搬過嚟，真係有心又出力！結果我哋喺博物館門口嘅長櫈上面，就地進行咗簡單而隆重嘅小小境外頒獎禮，冇著靚衫冇諗致謝辭，但有好多好多愛冚返。」
Wyman在今年1月1日舉行的《2022年度叱咤樂壇流行榜頒獎典禮》上獲得「填詞人大獎」，他為林家謙填詞的歌曲《邊一個發明了ENCORE》亦贏得「至尊歌曲大獎」。
相片來源：黃偉文@Instagram，朱薰@Instagram
