王祖藍一向扮咩似咩，呢個絕對係鐵一般嘅事實，大家應該仲好記得佢喺《超級無敵獎門人終極篇》神級演繹恐龍、超聲波同電鑽聲。由王祖藍有份開設的公司「手工藝創有限公司」近日在官方Facebook上載這條影片，怎料再次被瘋傳，成功掀起話題。鬼馬的祖藍今次竟然應網民要求「找數」，重新演繹當年的模仿聲音之外，還將二胡、落雨開遮、打字和直升機的聲音扮得十分神似，難怪網民大讚祖藍十分有才華，仲要encore啦！
估吓祖藍扮緊咩？ (影片截圖)
兩年前，王祖藍娶李亞男，以161公分配180公分的長短腳之戀開花結果，同時王祖藍在內地因為憑《百變大咖秀》和《奔跑吧》人氣急升，事業愛情兩得意的他還在2016年與邵氏、曾志偉合資當老闆，開設「手工藝創有限公司」，先後簽了杜麗莎、鄧萃雯、陳國邦、羅敏莊、徐子珊、阮兆祥等藝人。工作繁忙的祖藍竟然抽空與觀眾互動，大玩新扮聲搞作，就連平時老婆最愛的表演「人形海馬」也拿出來模仿，祖藍真係好唔話得。
係海馬，又真係好神似！(影片截圖)
除了扮「人形海馬」之外，祖藍還要扮下雨開雨傘的手勢，其搞笑程度連工作人員都忍不住笑到「倒瀉水」；不過有觀眾要求祖藍扮「炒煎炸」的聲音，結果竟然考起他，還一度自暴自棄，場面極為惹笑。仲有，祖藍講廣當話扮嘢搞笑，真係所有回憶都番晒嚟啊！
圖片來源︰互聯網
影片來源︰TailorMade手工藝創作