由郭晉安、馬國明、唐詩詠、陳豪、張曦雯主演的《白色強人II》，昨晚一集焦點除了集中在蘇怡（唐詩詠飾）與唐明（馬國明飾）的「冰封」關係，還有阿Yan（張曦雯Kelly飾）得悉蘇怡出事後在上海街頭不知所措地狂奔，希望趕返香港見蘇怡兼崩潰爆喊一幕，亦令網民相當動容，尤其阿Yan流着淚向YT（郭晉安飾）呼喊：「蘇怡唔可以冇咗個BB，佢之前流過產，我要即刻返去睇佢呀！」Kelly趕返香港後第一時間衝入病房與蘇怡深情擁抱，充份展現了二人之間牢不可破的閨密情。
向來入屋的「2YCP」，前晚一集簡單的Café談情戲亦成功冧掂一眾網民，大讚Yan與YT愛得舒服，並指看過Kelly爆喊及談情戲的不同處理方法後，覺得她演技有大躍進：「Kelly演技真係進步左好多」、「安仔同佢年齡差咁大（多），但佢兩個睇落去好自然」、「呢幾集多咗好多甜蜜溫馨鏡頭」、「Kelly喺白強2真係好有驚喜，集集都做得好好，佢同安仔嘅眼神表情做到好愛嘅感覺」、「Kelly喊戲真係做得好好，睇到好心痛」、「佢望YT個樣成個小Fans咁又甜絲絲，今場擔心蘇怡嘅激動、傷心同擔心都做到晒出嚟。」
Kelly在《白色II》的演出自開播以後好評不斷，她坦言該幕街頭喊戲是自己在戲中最難忘一幕：「因為當日拍攝行程好趕，我哋要趕住喺外灘熄燈之前拍好場戲，當時仲要依然有好多途人。所以喺個咁趕又有咁多人圍觀嘅情況下，要投入去拍一場咁重情緒嘅戲，對我嚟講都真係好難忘。」Kelly與詩詠自合作《白色》第一季後已成為好友，讓她更易入戲：「當知道蘇怡出事時，我好自然就會為佢心痛，因為詩詠對我嘅意義，就正正係蘇怡對阿Yan嘅意義。」談到與安仔成為劇中最受歡迎CP，Kelly開心表示：「安仔有少少似我老師，我對佢好信任，同佢做戲會好有安全感，呢個可能亦係阿Yan對住YT嘅感覺，變相出嚟效果就自然啲。」
