《金宵大廈2》將於下周一（4日）上映，憑《金宵大廈》在《萬千星輝頒獎典禮2019》獲得「 最受歡迎電視女角色」獎的李施嬅因《金宵大廈2》 的角色給她深刻的情感和很大的感覺。 所以就首次當上作曲人，亦出了個人第一首單曲作品《相愛萬年》。
她受訪時表示 :「《相愛萬年》首歌係同我表妹一齊寫嘅，佢諗住《金宵大廈》 第一集嘅愛情故事去創作，而我就諗住《金宵大廈2》。 所以《相愛萬年》對我嚟講唔淨只係一首情歌，亦係代表左我在《 金宵大廈2》入面嘅片段、情感同渴望， 係我投入角色時親身的感受。」
施嬅指這首歌可以做到《金宵大廈2》裏其中一首插曲可以說是緣份， 「最開頭作呢首歌都冇諗過可以放入劇集用， 真係受到《金宵2》影響，拍攝期間有太多情感既觸動， 就突然間有衝動想寫歌。 因為《今宵多珍重》呢首經典主題曲，我自己都好鍾意， 所以冇諗過可以將自己隻歌放入劇入面。但寫完隻歌之後， 聽到監製原來搵緊一隻歌做劇集既插曲。 我就隨意咁哼左幾句俾佢聽，點知佢覺得好適合， 咁就順理成章變成劇入面其中一首歌。
她透露錄歌過程幾經波折，「一同《金宵》有關，就通常會有好多奇奇怪怪嘅事發生， 而呢隻歌都唔例外。由第一次錄音，我因為突然失聲而錄唔到。 到第二次錄音，錄音室樓上裝修所以錄唔到。第三次錄音， 我哋嘅唱片監製Davy 無端端入咗醫院，聽到都有啲心寒。好彩到第四次終於再冇問題啦， 講笑咁講，感覺上好似《金宵大廈》喺度試緊我哋嘅誠意， 入門要過三關。但好感恩大家都好有心好堅持去做好呢隻歌， 希望大家可以透過呢首歌而對劇集有更深既感受。」
