《聲夢傳奇》一眾參賽者噚晚亮相《開心大綜藝》獻聲賀父親節，比賽大熱之一嘅姚焯菲（Chantel）對於佢係節目入面唱嘅《戀愛預告》係YouTube破250萬點擊，Chantel話表示估唔到會有咁多人睇呢段片，要多謝聽佢唱歌嘅觀眾。
被問到會唔會因為點擊高而令佢對勝出信心大增，Chantel就話佢只係好彩揀啱歌，自言係比賽入面仍有好多風格未試，又透露下一首比賽歌曲會係抒情歌。最近有報道指Chantel簽約無綫嘅5年基本藝人合約，問到會唔會驚影響學業。Chantel表示而家都係學業行先，會趁暑假努力追趕學業進度，因為學業永遠都係第一位。佢又話都擔心歌唱會影響到學業，會去學識把握個平衡點「想唱歌比賽、考試、兩樣都做好。」
點擊睇更多姚焯菲靚相：
圖片來源：my TV SUPER(www.mytvsuper.com)、姚焯菲＠Instagram
