胡定欣（Nancy）將於下周一（9日）43歲生日，由於她將離港工作，「將軍澳福利會」一班3 Pair好友胡蓓蔚（豹嫂）和老公單立文（豹哥）、陳山聰夫婦及袁偉豪和老婆張寶兒，率先提早跟壽星女慶祝。
豹嫂在社交網貼上與定欣捧住別出心裁的盆栽蛋糕，留言：「因為妳正日生日要離港工作，所以村民決定提早幫妳慶生，祝小霸王胡定欣生日快樂。身體健康、紅紅火火、花開富貴，We love you loadss﹗」豹哥就在老婆帖文下留言：「大個女啦，自己識做啦⋯⋯唔使我畫公仔畫到出腸啦」，定欣扮唔知反問：「有咩事做？」袁偉豪就鼓勵豹哥爆料：「畫啦」！
最搞鬼是張寶兒曬與壽星女的合照，及留言：「祝Nann生日快樂，健康平安、幸福滿瀉，同埋多謝村民請食找數飯。#將軍澳街坊福利會 #全部估生女 #多謝袁咕碌 #找數飯 #齊人 #有根的花愈種愈盛」，當中「全部估生女」，究竟係邊個生？豹嫂仲要話：「下次再估」！
