葛民輝親製張國榮1:1雕像 文雋借出哥哥簽名黑膠珍藏

葛民輝製作1：1張國榮雕像成為焦點。

葛民輝、陳幼堅、文念中、文雋等日前出席中環香港站舉辦的《你在我心張國榮20年創作展》，一眾「哥迷」及好友均借出珍貴的張國榮（哥哥）收藏品，當中阿葛更製作1：1張國榮雕像成為焦點。平時愛搞笑的阿葛一本正經，細訴跟哥哥點滴，「我同哥哥比較少合作，因為佢後期再出唱片時，都少去電台做訪問，最衰我又唔係袁靚靚（袁詠儀)，冇得同佢拍《金枝玉葉》！」阿葛表示製作哥哥頭像花兩周時間完成，雖與哥哥未算親密，但從梅姐（梅艷芳）口中知道哥哥的工作態度，「所以好佩服佢、值得我哋學習。」

+13

出席活動的著名美指文念中表示， 最難忘與哥哥在阿根廷拍攝《春光乍洩》的時刻。「因為在拍攝中途我要趕返香港準備婚禮，哥哥得知消息後，好肉緊咁抱實我，替我高興之餘仲講笑話『我哋都好想結婚。』早前我執嘢搵到張3R底片，原來係我哋同哥哥喺阿根廷嘅合照，呢張相真係好緊要。」

文念中與哥哥合作有很多回憶。

而電影人文雋一直收藏大量張國榮封面雜誌及書籍，今次展覽更借出《愛火》及《有誰共鳴》簽名白版黑膠唱片等。同場的設計師陳幼堅則透露，家裏有專櫃收藏哥哥的唱片封套，笑言展場不夠大未能一一展出：「當年華星年代我哋唔係太熟，但佢都會邀請我上屋企食飯，佢真係好重感情！」

文雋、陳幼堅等人出席展覽。