無綫劇集《逆天奇案2》首個單元「殺手的終極任務」終於在昨晚（2日）落幕，原來霍太（麥玲玲飾）因為炒燶股票要填氹500億，故利用殺手執行暗殺任務來討好哈多爾富商巴金，希望藉此機會翻生！在這個單元，玲玲姐演出非常搶焦，除了以流利英語講對白外，還親身上陣演出槍戰場口，拿手槍動作更是英姿颯颯，與平時形象大相逕庭，令人大感驚喜。
麥玲玲今次繼續自掏腰包，一個單元就出動6套戲服。談到劇中動作場口，玲姐姐笑言難度不高，皆因自己一向有做開運動，「揸槍梗係好玩，我鍾意拍劇就係因為可以做到現實中冇可能做到嘅嘢，今次玩得好開心！當然現場有武指教我點樣開槍嘅，唔好睇我咁嘅身形，由於我有做開運動，好似跑步、拎住啞鈴跳舞咁，所以都幾靈活架。」玲玲姐續指今次拍攝最辛苦，反而是要適應拍攝環境及氣溫：「今次辛苦在天氣好熱，又要去一啲石屋。我記得拍嗰日仲落雨，又濕又多泥，喺泥地根本行唔到，好『呢HEA』，同恐怖分子傾嘢嗰間屋哩，老鼠、曱甴咩都有，唔係講笑！雖然辛苦，但見到成效好就會好開心。」
34歲的Sebastian擁有香港、奧地利血統，於英國出生、香港長大、蘇格蘭讀書，修讀商科碩士學位畢業，曾接受三年英軍訓練，還曾學習過洪拳、MMA及特技訓練，對用槍方法亦特別熟悉。Sebastian加入影視圈前曾任模特兒，於2019年曾代表香港出戰國際先生選美比賽，亦參演過劇集《飛虎》系列、《奪命提示》及電影《拆彈專家2》、《潛行》等。
