恭喜陳生陳太！陳家樂與連詩雅（Shiga）於2023年4月拉埋天窗，二人婚後愛得甜蜜，不時在社交網放閃。適逢今日（24日）元宵節，兩人開心宣布造人成功，並曬出一張舉起胎兒的超聲波照片 ，另外數張照片則見家樂輕撫愛妻的孕肚，雙雙表露幸福表情，相當溫馨！他們表示將於暑假期間誕下龍B，「寶寶今個暑假平安健康嚟到同我哋⾒⾯。」
即將榮陞爸爸的家樂在IG興奮留言：「等咗幾個月終於可以同大家講啦！感謝天父！！俾機會我做爸爸！！！辛苦陳太呢幾個月又要開工又要小心就住就住！我以後會再努力啲工作！照顧你哋！！」而身為「足球迷」的家樂寄望小朋友「讀書叻唔叻唔緊要，最緊要陪爸爸睇波」他又打趣標示「最好真心鐘意曼聯」。
而準媽媽Shiga亦寫道：「一直都係處於平常心同埋順其自然嘅態度，等待上天嘅安排。2024收到一份最好嘅禮物，好感動、感恩，期待Summer BB既來臨，祝大家元宵節快樂。」她又指家庭又變大了，有點不可思議的感覺，還有點緊張將會做父母，更笑指：「陳生話仔女都好都要培養佢鐘意曼聯。」
