馮允謙（Jay Fung）最近推出的冧爆情歌《在愛面前投降》大受歡迎，更親自譜上英文歌詞成為《Surrender to Love》，早前特別為這首英文版拍攝Studio Live版，並邀請蘇道哲、Nic Tsui分別以鋼琴及結他伴奏。
Jay表示很開心可以拍攝《在愛面前投降》英文版《Surrender to Love》的cover，「中文版由陳詠謙填詞，作曲有我、陳考威同埋Nick Wong（黃兆銘），編曲有Nick和監製陳考威。呢首歌係講一對情侶有拗撬嘅時候，有時嗌交嗌到忘記自己嘈緊乜，剩係記得要嘈、要拗贏。而我好願意輸俾另一半，因為我知道，喺呢一刻我輸咗，但係最終我係贏，因為我贏到你陪喺我身邊。」
雖然Jay作曲時已有這個想法，但只是隨意填了一些英文字，直到陳詠謙填上中文歌詞，完整了整個意思。Jay說：「陳詠謙嘅中文詞令我更確實呢首歌嘅主題，之後返屋企修改英文歌詞，由頭到尾我自己一個人寫晒。我依家很滿意，我困咗自己喺房間幾天無出街就係寫呢份歌詞。完成後第一個俾細佬睇，佢好驚喜，讚我有進步，鼓勵我繼續寫多啲詞。」
新版本歌詞非常有意思，但Jay的未婚妻還未聽過，他希望連同旋律製作成歌曲才給她聽。「我想俾佢驚喜，希望佢鍾意啦！希望佢好似我咁樣，喺我面前投降，唔好成日諗住贏我。因為一段關係，唔係在乎邊個贏邊個輸，呢首歌男、女朋友都好適合，每個人都要遷就對方，要為呢段關係承擔，有陣時唔只係講贏與輸，兩個人溝通得好更重要。」Jay在現實中不會與未婚妻計較輸贏，「我個人好冇所謂、好chill，成日都讓佢，佢又好習慣我讓佢，我又唔係好介意，因為就好似首歌咁講：在愛面前投降！」Jay猶如演示何謂「寵妻天花板」！
